MAKALEHI TAMPA PUSAKA

Sebuah syair lagu pengenangan akan kampung halamanku yang tercinta.
Salah satu pulau terdepan di tapal batas utara Indonesia, PULAU MAKALEHI.

Judul : MAKALEHI TAMPA PUSAKA
Cipt. : Thefils W. Dame

Kasilo bou marau
Su wahe u Siau
Dudaleto su laude maloang
Kere sakaeng su taghaloang

Mawelogang sasaharane
Makalehi sasegone
Su suwenahe niseba Kuhita
Bela su timuhe nisego Tilade

Makakendung sulalung u naung
Makatumpe elo mata-ku
Kukeranie kukelahene
Saghe lawo taloarange

Batu Sanggelohe takaensokang
Nipelo Mawu tiala lawesang
Tatuliang ana u sembau
Nahumpa su apeng pemunakeng

reffrein....

Makalehi tampa pusaka
Bou Soa tarai sumaka
Maeng bou Pentoe, Paleto, Tawara
Nggusi, Batu Kemanga
Makalehi tampa pusaka
Malahiwa su Mawu Ruata
Muliku Ketoang, Sampang, Kinali
Mang nahumpa su Soa

coda....

Ketahendungang tempong kadio
Menondong kengkang sasae maneke
Su dulunge dudalahete kapenganange tepihe
Ketahendungang tempong kadio
Tutalang su apeng Makalehi
Sarang papateku, suendumangku
Makalehi.....